Од овој рецепт ќе ви застане здивот. Послужете со јогурт и уживајте.
Состојки:
- 1 кромид или 2 страка праз
- масло
- 500 – 600 гр печурки шампињони
- ½ кг кора за гибаница
- 3 јајца
- 250 мл кисела вода
- сол
- бибер
- зачин по избор
Подготовка:
Ситно исецкајте 1 кромид или 2 страка праз и пржете на малку масло. Додадете ги исечените шампињони и посолете ги. Вријте на средно-тивок оган додека не зоврие водата што ја ослободуваат печурките. Конечно, изберете и додадете зачин ако сакате.
Ставете ја првата кора во подмачкана тава, посипете со малку масло, а потоа втората. На третата кора ставете од печурките. Наизменично наредете ги корите и печурките, се додека има полнење. Завршете со кора. Исечете ја целата пита на квадрати.
- Advertisement -
Изматете 3 јајца со миксер, додадете 250 мл кисела вода. Прелијте ја питата и оставете ја да стои 15-30 минути. Печете на 200 степени околу 30 минути.
Добар апетит!
