Направете вкусен доручек за целото семејство.
Состојки:
- 1 кг бело меко брашно
- 300 мл јогурт
- 50 мл сончогледово масло
- 350 мл млако млеко
- 2 цели јајца + 1 жолчка
- 40 грама суров квасец
- 2 големи лажици шеќер
- 1 прстофат сол
за филот:
- 300 грама сирење
- 1 белка од јајце
Подготовка:
Растворете го квасецот во млако млеко, додадете шеќер, сол, масло и изматените јајца. Брашното се просејува, се прави вдлабнатина, па се прелива јогуртот и полека се додава млекото и се замесува тестото. Покријте и ставете во фрижидер најмалку 1 час, можеби и повеќе. Ова тесто може да стои со часови и денови.
Тестото убаво ќе нарасне дури и во фрижидер. Кога сакате да го направите само земете, не мешајте и расукајте ја кората со дебелина од 1цм и исечете ја на квадрати во саканата големина, покријте ја со малку вода, подмачкајте ја.
Измешајте сирење и белки, па наполнете ги квадратчињата и соберете ги краевите заедно со прстите. На врело масло пропржете ги пирошките околу 3-4 минути. Иизвадете и ставете ги на кујнска хартија да се исцеди маслото. Овие пирошки се крцкави однадвор и меки одвнатре. Послужете со јогурт, павлака, со млеко..
Пријатно!
