Пробајте го рецептот за поздрава верзија на пире направено од сладок компир – батат.
Слаткиот компир или батат, како што многумина го нарекуваат, е богат со витамини, минерали и диетални влакна, а неговата висока содржина на бета-каротин го рангира меѓу намирниците корисни за нашето здравје. Слаткиот компир можете да го сварите или испечете, а за да ги зачувате вкусот, мирисот, па дури и бојата, излупениот компир да се вари на пареа околу половина час. Иако, можете и да го исечете на поголеми коцки за побрзо да омекне. Во продолжение погледнете го рецептот за вкусен прилог од овој зеленчук – пире.
Состојки:
- 2 слатки компири
- сол, бибер, путер
- 1-2 чаши млеко
Подготовка:
Излупете го слаткиот компир, исечете го на помали парчиња и сварете го. Кога ќе омекне, процедете го, додадете млеко, сол, бибер и путер и сето добро изматете го со блендер додека не добиете кремаста смеса.
Млекото додавајте го по малку во зависност од потребата и колку сакате да биде густо. Послужете со риба или било кој вид месо.
Пријатно!
Извор: Прашање на вкус
