Пиперките со сенф ќе бидат новиот хит на трпезата оваа зима.
Испробајте нов и превкусен начин за подготвока на пиперките, Овојпат со сенф. Уживајте.
Состојки: За 5 тегли
- 3 кг црвено-жолти пиперки
- 6 главици кромид
- 1 главица лук
- 1/2 литар оцет
- 1/2 вода
- 4 супени лажици шеќер
- 2-3 лажици сол
- 1/2 л масло
- 1/2 кг сенф
Подготовка:
Пиперките добро измијте ги, извадете ги стеблата и семките, па исечете ги на стапчиња. Излупете го кромидот и исечете го на долги парченца. Излупете го и ситно исечкајте го лукот.
Во тенџере сварете оцет, вода, шеќер и сол, и кратко поварете ја пиперката и кромидот. Потоа извадете ги од тенџерето и оставете добро да се исцедат. Постапката повторете ја додека не се сварат сите пиперки и кромид.
Посебно со миксер измешајте ги маслото и сенфот.Изладениот зеленчук измешајте го со изматениот сенф. Складирајте ја смесата во тегли и добро затворете. Најдобро се сервира со месо, намачкано на леб…
Пријатно!
