Наместо да ги наполните пиперките само со сирење, додадете спанаќ. Ќе бидете воодушевени.
Лесен и едноставен ручек е одличен кога надвор е жешко, а токму такви се и пиперките полнети со 3 вида сирење и спанаќ. Ќе го направите многу брзо, а ако го послужите со салата ќе ви биде доволно. Дури и оние кои не можат да замислат ручек без месо, нема да одолеат на толку добар оброк.
Состојки:
- 2 големи пиперки
- 200 гр рикота сирење
- 1 мал кромид
- 1 јајце
- 45 гр пармезан
- 50 гр сирење моцарела
- 150 гр спанаќ
- Магдонос
Подготовка:
Исечете ги пиперките на половина и извадете ги семките. Потоа во сад измешајте ги сечканиот кромид, рикота сирењето, јајцето, пармезанот, ренданата моцарела и спанаќот кои претходно сте ги пропржиле на малку маслиново масло. Добро соединете.
Во тава подмачкана со масло ставете ги половините од пиперката, а потоа измастете ги и исто така посолете ги. Наполнете ги пиперките со смесата, па посипете со пармезан. Печете на 180 ° C околу 30-35 минути. Украсете со свеж магдонос.
Пријатно!
