Едноставно јадење, вкусно, полно со зеленчук. Јајцето како изненадување одозгора, фета сирењето како и секогаш убав додаток. Садови интересни за сервирање. Многу вкусно, пробајте, слободно прилагодете го зеленчукот по ваш вкус.
Состојки:
- 1/2 кг пилешко бело месо
- 2 помали тиквички
- 2-3 моркови
- 1 зелен пипер
- 1 кромид
- 2 домати
- стебленца од лист целер (единечен целер)
- 3 лажици масло
- 250 гр сирење фета
- 4 јајца
- 1/2 лажичка бибер
- 1 лажичка лист од магдонос
- 1/2 лажиче сол
Подготовка:
Измијте го белото месо под ладна вода. Отстранете се што не е месо, мислам на масти и слично… Исечете го месото во потенки шницли, а потоа на тенки стапчиња. Истурете го маслото во тавата, а потоа испржете го месото во масло додека не омекне и не започне да добива светли, „кафеави“ тонови.
Додека месото се пржи, исчистете го целиот зеленчук, измијте го. Исечете го целиот зеленчук на коцки (вклучувајќи домати), кромидот на мали парчиња. Измешајте го целиот зеленчук заедно, освен доматите.
Извадете го белото месо од тавата во сад, а потоа ставете го зеленчукот во тавата. Пржете додека зеленчукот не омекне. Потоа додадете домати, промешајте, додадете пилешко, зачинете и пржете ги сите заедно уште 5 минути. Тргнете ги од оган.
Лесно намастете ги мини тавите за печење. Поделете половина од масата во 4 тавички за печење. Наредете половина од сирењето фета на коцки. Истурете ја другата половина од мешавината од зеленчук и пилешко месо. Посипете го остатокот од сирењето фета на коцки. Искршете по едно јајце одозгора во секој сад за печење.
Ставете ги тавите во рерна загреана на 200 ° С. Неопходно е да се испечат јајцата, поточно белките од јајцата, додека жолчките може да останат полуживи.
Пријатно!
