Ручек кој ќе ги задоволи вашите вкусови!
Состојки:
- 4 пилешки филети (приближно 700 гр.)
- 8 парчиња сланина
- 10 лисја од жалфија
- 100 гр брашно
- 40 гр маргарин
- 150 мл бело вино
- 80 гр павлака
- екстра девствено маслиново масло
- сол, бибер
Подготовка:
Во загреана тава на две лажици врело маслиново масло, додадете ги листовите жалфија и пропржете ги на кратко. Извадете ги пржените лисја од жалфија на кујнска хартија за да го впиете вишокот маснотии. Исчистете ја тавата од маслиново масло и ставете маргарин во неа.
Пилешките филети исечкајте ги на тенки парчиња, и ставете на секое тенко парче сланина и зацврстете со чепкалка за заби. Потоа превртете го секое парче со долната страна во брашно, малку протресете го и ставете го да се пржи во тава на врел маргарин.
После две до три минути, свртете го месото на страна со сланината и пржете уште две до три минути. Извадете го готовото месо настрана додека е топло, и истурете малку бело вино во тавата врз преостанатите маснотии, и мешајќи со жица по должината на дното на садот, отстранете го карамелизираниот слој од пржењето на месото.
Откако алкохолот ќе испари малку, измешајте ја павлаката во тавата, вратете ги лисјата од жалфија и месото и почекајте состојките да се загреат уште еднаш. Послужете со компир.
Добар апетит!
