Кога веќе не знаете што да направите за ручек, уморни сте или немате доволно месо, направете пилешки уштипци.
Со пилешките уштипци можете да го направите апсолутно секој гарнир кој го обожавате, без разлика дали станува збор за спанаќ, грашок, печен или пржен компир или пак пире од компири. Одлично се комбинираат со се.
Состојки:
- 1 пилешки стек со средна големина
- 3 јајца
- 5 лажици масло
- 1 лажичка сенф
- 1,5 лажичка сол
- половина лажичка црн бибер
- 3 полни лажици брашно
- 1/2 лажичка мелен лук
- 1/2 лажичка црвен пипер
- зачини (1/2 лажичка куркума, малку ѓумбир во прав, полна лажица сув магдонос)
* Последните зачини може да бидат по ваш вкус
Начин на подготовка:
Пилешкото бело месо насечете го на многу ситни парченца. Доколку сте во можност можете и да го смелете.
Изматете ги јајцата со сенф, сол, бибер и масло. Додадете ги останатите зачини заедно со пресеаното брашно. Измешајте ги убаво сите состојки со маталка, додека добиете убава хомогена смеса без грутки.
Во оваа смеса ставете го иситнетото пилешко месо и добро промешајте ја смесата. Потоа оставете ја да отстои еден час во фрижидер.
Во тава за пржење загрејте го маслото на умерен оган. Потоа со лажица вадете ги пилешките уштипци од смесата и спуштајте ги во тавата со загреано масо. Пржете ги од двете страни додека убаво не поруменат.
Испржените уштипци вадете ги од тава и ставете ги на салфетка, за да се впие вишокот маснотии.
Сервирајте додека се топли.
Пријатно!
Извор: domacirecepti.net
