Пилешки крилца со компири и подлучени печени пиперки, едноставна комбинација идеална за неделен ручек или некој друг ден.
Состојки:
- 1.5 кг пилешки крилца
- 1 кг компири
- 1 мала лажица мешавина од зачини
- Пола лажиче црвен пипер
- 15 гр сол
- Мала пиперка
- Лук во гранули еден прстофат
- 3 лажици масло
- 1,5 кг црвена пиперка
- 2 чешниња лук
- Половина лажичка сол
- 1 дцл масло
- 30 милилитри оцет
Подготовка:
1.Посолете ги крилцата рамномерно од двете страни. Излупете го компирот, измијте го и додадете мешавина од зачини, бибер, по избор гранули од лук, црвен пипер и масло. Промешајте и ставете го во плехот кој ви е за печење. Наредете го пилешкото над компирот. Печете ги на во рерна на 200 C во следните 40 минути.
2. После првото печење извадете го пилешкото од компирот. Добро промешајте ги компирите и повторно вратете ги пилешките крилца врз нив со тоа што овојпат ќе ги свртите на спротивната страна од онаа на која се печеа до пред некое време. Вратете се во рерна на истата температура следниот час, но на секои 20 минути вртете ги крилцата (значи уште 3 пати) и мешајте ги компирите секој пат.
3. Во меѓувреме, додека сето тоа се пече и се врти на време, испечете ги црвените пиперки на грил тава или коло од шпоретот од сите страни неколку минути. Нивната кора мора да стане црна.
Кога ќе станат црни, тргнете ги од оган и оставете ги поклопени во метален сад околу дваесет минути за да полесно се излупи кората. Излупете ги и направете ги како за салата со додавање лук и оцет. Доколку сакате по вкус може да им ставите и сецкан магдонос.
4. Извадете го месото со компири (по вкупно 100 минути печење со веќе споменатите вртења), извадете ги крилцата и без мешање ставете ги компирите повторно во рерна неколку минути за да се смират. Послужете ги сите заедно.
5. Со оваа комбинација можете да приготвите и некоја чорба или супа. Количината на рецептот е за повеќе луѓе но доколку сакате можете да ја промените големината на состојките и да ја прилагодите за вашите потреби.
Пријатен апетит!