Брзата пилешка салата со варени јајца и домати е одличен предлог за ручек.
Салатите се задолжителен оброк во лето, бидејќи брзо се подготвуваат и имаат фантастичен вкус. Постојат милион рецепти, а најпопуларна е салатата Цезар. Ви предлагаме да ја пробате и оваа пилешка салата со варени јајца, домати и сирење. Не само што ќе ве исполни, туку ќе ги воодушеви сите со својот изглед. Може да се користи и како украсно мезе на прослави и празници.
Состојки:
- 300 гр пилешко филе
- 2 домати
- 2 јајца
- 100 гр тврдо сирење
- 100 гр мајонез
- 2 млади кромидчиња
Подготовка:
Пилешкото и јајцата сварете ги, а потоа ситно исечкајте ги. Исечкајте ги и младиот кромид и доматите, но прво одвојте ја средината од доматите. Изрендајте го сирењето и истурете го мајонезот во кеса за замрзнување со отсечен горниот дел.
Покријте го садот за салата од внатре со проѕирна фолија, па ставете го сирењето. Од кесичката исцедете од мајонезот, а одозгора наредете ги доматите и младиот кромид. Повторно исцедете од мајонезот, па ред бело месо, па повторно мајонезот, па јајцата. Повторете ги сите слоеви од почеток.
Изладете ја салатата во фрижидер а пред послужување свртете го садот со салата врз поголема чинија, украсете одозгора по желба и послужете.
Пријатно!
