Печените ќофтиња со компири се подобар избор од класичните.
Често правевте ќофтиња во сос од домати, но задолжително пробајте ги печени со зеленчук и печени компири. Намирниците кои ви се потребни не се скапи, а ќе добиете ручек за целото семејство кој сите ќе го обожаваат.
Интересен сос од домати и печени компири се добитна комбинација со печени ќофтиња. После толку вкусен оброк почестете се со феноменална торта, а наш предлог е бајадер со кокос.
Состојки:
- 600 гр мелено месо
- 2 главици кромид
- 3 моркови
- 3 компири
- 300 мл сос од домати
- 50 гр презла
- 2 јајца
- 100 мл вода
- црвена пиперка, ким, мајчина душица
Подготовка:
Измешајте мелено месо со 1 главица кромид, исечкана на многу мали парчиња. Додадете јајца, презла, сол, бибер и други зачини. Направете ќофтиња и кратко пропржете ги.
Извадете ги ќофтињата и во истото тавче пропржете го преостанатиот кромид и морков исечени на крупни парчиња. Исечете го компирот на големи коцки и додадете го во зеленчукот.
Покријте ја тавата со капак и динстајте на тивок оган 10 минути. Додадете сос од домати и вода. Оставете 2 минути на средна температура. Наредете ги ќофтињата во плех и прелијте ги со сосот и компирите. Се пече во загреана рерна на 220 ° C околу 15 минути.
Пријатно!
