Тиквички, шунка и сирење се главните состојки на ова „фит“ јадење, по што сигурно нема да останете гладни, ниту да потрошите многу време за да го подготвите.
Состојки:
- 2 тиквички
- 100 гр шунка
- 4 лажици
- томато сос
- 1/2 главица кромид
- 150 гр тврдо сирење
- 100 гр фета сирење
- маслиново масло
- свеж магдонос
Подготовка:
Загрејте ја рерната на 200 степени Целзиусови. Исечете ги тиквичките на половина по должина. Изрежете ги со лажица и премачкајте со пире од домати. Зачувајте го „месото“ што го извадивте. Ставете ги тиквичките во рерна околу 15 минути.
Во меѓувреме, исецкајте го кромидот и запржете го на загреано маслиново масло. Кога кромидот ќе омекне, додадете го „месото“ што го извадивте од тиквичките и пржете неколку минути. Тргнете го од оган и оставете малку да се излади, а потоа измешајте со сирење.
Наполнете ги печените тиквички со мешавината која ја подготвивте со тврдо сирење. Изрендајте шунка и посипете ја врз смесата со сирење. Одозгора изрендајте фета сирење и посипете со сецкан магдонос. За повеќе зачинет вкус, можете да додадете и малку мелена лута пиперка во смесата со сирење.
Пријатно!