Вистинско летно јадење, прилог, лесна вечера, како и да одлучите.
Состојки:
- 6 пиперки
- 50 мл масло
- сол и бибер
- 3-4 чешниња лук
- 200 мл кисела павлака
Подготовка:
Пиперките измијте ги, па со вилушка прободете ги на 5-6 места. Не ги боцкајте малку со врвот, туку ги пробивате целосно, за да не испрскаат од тавата. Истурете масло во тавата, вклучете средна топлина и ставете ги пиперките.
Покријте и оставете десетина минути додека маслото се загрее и едната страна се пржи. Отворете, свртете ги пиперките и печете ги од сите страни. Кога ќе бидат готови пиперките, тргнете ги од оган, секоја фаќајте ја за дршката и исечете ја од средината надолу за да излезе сокот во тавата или во некое друго јадење што ќе го одберете.
Посебно измешајте павлака, лук и сол, па ставете една лажица бибер. По 5 минути пропржете ги пиперките за да се измеша павлаката со сокот што излезе од пиперките. Тоа е тоа.
Пријатно!
