Ви подготвивме рецепт како да направите деликатесни пилешки копанчиња за ручек. Толку сочни, ароматни и неодоливо вкусни.
Состојки:
- 8 пилешки копани
- 1 лажица црвен мелен пипер
- половина лажица ким
- парче корен од ѓумбир
- 1 чешне лук
- 2 листа од ловор
- 5 дл бело вино
- 1 китка магданос
- 1/2 дл масло
- сол
- мелен црн бибер
- неколку гранчиња рузмарин
Подготовка:
Копаните се чистат, се мијат и се оставаат да се исушат.
- Advertisement -
Ставете ги копаните во тава, посипете ги со црвен пипер, ким, црн бибер и изрендан ѓумбир.
Направете смеса од масло, вино, сол, пасирано чешне лук и полијте ги копаните, па нека одстојат во таа маринада 2-3 часа, превртувајки ги повремено.
Маринираните копани извадете ги од тавата, па пропржете ги на врело масло додека заруменат, па повторно наредете ги во тавата и печете ги на 200 степени во рерна околу 45 минути, повремено преливајки ги со маринадата од тавата.
Служете ги посипани со сецкан магданос и со гранчиња рузмарин.
Добар апетит!
