Брзиот ручек е идеален за оние кои немаат време, а загарантирано ќе ви се допадне вкусниот ориз со бело месо.
Доколку ви треба брз ручек кој не чини многу и е лесен за правење, пробајте ориз со бело месо. Кога ќе и додадете слатка пченка, ќе добиете одлично јадење без многу труд. Супата можете да ја подготвите така што ќе зготвите коцка супа или ќе ја одмрзнете доколку имате залихи. Како додаток, ако имате, можете да подготвите салата со печени пиперки, а можеби и салата од зелка.
Состојки:
- 400 гр бело месо
- 1 шолја ориз
- 1 шолја пченка
- 200 мл бистра кокошкина супа
Подготовка:
Белото месо исечкајте го на ленти или коцки, па пропржете. Зачинете по вкус. Сварете го оризот во супата за да стане покремаст, и сварете ја слатката пченка.
Потоа соединете ги сите состојки приготвени и измешајте. Зачинете по вкус и истурете во чинија. Добивате прекрасен лесен ручек за кратко време.
Пријатно!
