Рецептот за урмашици е потполно ист како што се прави во старите слаткарници.
Трпезата во Босна е незамислива без урмашица, а оваа слатка прелиена со шеќерен сируп се „вкоренува“ на сечија трпеза. Постојат многу верзии на оваа едноставна слатка, а ова е оригиналниот рецепт според кој во слаткарите се прават овие задоволства.
Состојки:
За тестото:
За овој рецепт како мерка се користи чаша од 100 милилитри.
- 2 јајца
- 2 чаши шеќер
- 200 гр путер
- 500 гр брашно
За прелив:
- 9 чаши шеќер
- 9 чаши вода
- 1 лимон
- украсување одозгора со оревче по избор
Подготовка:
Јајцата со шеќерот изматете ги со миксер, додадете го путерот кој стоел на собна температура и уште малку промешајте. Потоа додадете го брашното и месете додека не добиете еднолична смеса. Тестото треба да се одвои од рацете, но не треба да биде премногу тврдо.
Од тестото формирајте топчиња кои се малку поголеми од ореви, па израмнете ги и притиснете од едната страна со ренде. Наредете ги урмашиците на сув плех и печете ги во загреана рерна на 180-200 степени додека не поруменат.
Во меѓувреме подгответе го преливот. Во шерпата истурете шеќер и вода, па добро измешајте да се стопи шеќерот. Додадете сок од еден лимон, па варете додека не почне да врие.
Потоа тргнете го од оган, а со врелиот прелив прелијте ги изладените колачиња оставени во плехот. Оставете да отстои неколку часа, по можност преку ноќ. На секоја урмашица по желба ставете по половина зрно орев и послужете.
Пријатно!