Ова е вистинскиот, страински рецепт за кох, кој многу е едноставен и лесен за приготвување.
Кога сте во дилема каков десерт да подготвите, тогаш КОХ е вистинското решение!
Превкусните десерти кои се припремаат многу брзо се најпопуларни за сите оние кои немаат многу слободно време. Добриот, стар кох е неприкосновен брз колач.
Потребни состојки:
- 6 јајца
- 6 лажици гриз
- 12 (6+6) лажици шеќер
- 1 лажица брашно
- 1 литар млеко
- 1 стапче ванила
Начин на подготовка:
Изматете ги одвоено белките и во посебен сад изматете ги жолчките заедно со шеќерот. Во изматените жолчки додадете брашно, гриз и изматете ги да се соединат. Со ренде на ситно изрендајте малку прав од ванила стапчето.
Ставете ја смесата во намачкан со масло и набрашнет сад за печење (длабок сад од 5 литри). На дното од рерната ставете помал сад со вода, над него наместете ги решетките и на нив ставете го садот со смесата за печење.
Печете на 180 степени околу 20 минути.
Во меѓувреме загрејте го млекото заедно со остатокот од шеќерот и со стапчето ванила. Загрејте го млекото до вриење и тргнете од оган да се олади. Тогаш кога млекото потполно ќе се олади извадете го стапчето ванила.
Врелото тесто прелијте го со оладеното млеко и оставете го три часа да се впие млекото.
Вака добиениот кох насечете го на коцки и по желба украсете со овошје.
Добар апетит!
