Кога ќе ја помирисате комбинацијата од кромид, сланина и компири, ќе ви стане сосема јасно зошто ова е омилен домашен специјалитет за Австријците.
Покрај кромид, сланина и компири, можете да додадете и некои зачини како мелени лути или слатки пиперки кои ќе ви дадат убава арома, а по желба додадете и семе од ким. Австријците често го служат ова јадење со магдонос, со пржено јајце одозгора.
Состојки:
- 200 гр сланина
- 1 кромид
- 500 гр компири
- сол, бибер
- масло за пржење
Подготовка:
Сварете го компирот, излупете го и оставете го да се излади.
Загрејте го маслото во тава, додадете исечкана сланина и ситно исечен кромид и пржете десетина минути.
Отстранете го кромидот и сланината, а потоа исечете ги компирите на коцки и ставете ги во тава и па пропжете ги 10 минути. Зачинете по потреба.
Вратете ја сланината и кромидот во тавата, измешајте се заедно и послужете.
Пријатно!