Лажица мед има антибактериско и антигабично дејство, а неговата густа текстура ќе формира привремен заштитен штит над иритираното грло.
Комбинацијата од куркума и мед се покажа како вистински еликсир на здравјето кој го зајакнува имунитетот и има исклучителни антиинфламаторни и антиоксидантни ефекти. Лесно се подготвува, а ефектите се, воодушевувачки велат сите кои ја користеле оваа смеса – брзи и ефективни.
Состојки:
- 1 лажичка мелена куркума
- половина лажичка мелен црн пипер
- 2 лажици природен мед
- 2 лажици вода
Подготовка:
Соединете ги состојките па добро промешајте, и ќе имате природен препарат кој првенствено ќе ви помогне кога ве боли грлото, доколку се работи за нешто минливо. Можете да додадете и 2 лажици јаболков оцет или сок од лимон.
Секако, доколку болката не стивнува, а чувствувате дека воспалението или состојбата на грлото се влошува, консултирајте се со лекар за да избегнете компликации.
Бидете внимателни кога користите куркума бидејќи нејзината интензивна портокалова боја може привремено да ги обои вашите нокти, раце, додатоци, даски за сечење и се што ќе дојде во допир. Се отстранува со сода бикарбона, алкохол или пепел.
Оваа комбинација има и антибактериско дејство, а двете состојки со векови се користат како природни и ефективни лекови за разни болести. Според старите податоци, медот долго време се користи како природен лек за сузбивање на кашлицата.
Куркумата е добро позната и по своите силни антиинфламаторни својства, за кои е поврзана состојката куркумин. Многу е корисен при различни кожни заболувања, од псоријаза до егзема, но и за одржување на најдоброто можно ниво на шеќер и холестерол.
Комбинацијата на куркума со свеж црн пипер придонесува за уште поголема ефикасност, бидејќи црниот пипер му помага на телото да извлече што повеќе корисни куркуминоиди од куркумата. Медот ќе ја подобри апсорпцијата на куркуминот.