Нов тренд тестенините со фета сирење се јадење за кое целиот свет моментално зборува. Причината е секако едноставноста и брзината на подготовка, но и богатството на вкус.
Состојки:
- тестенини по ваш избор
- блок сирење фета
- шери домати
- маслиново масло
- лук
- босилек
- сол и бибер
Подготовка:
Во длабок сад што може да се пече во рерна, ставете шери домати (едно пакување од 250 грама, на пример), прелијте ги со маслиново масло и зачинете ги со сол и црн пипер.
Ослободете простор во средината на садот и ставете таму блок фета сирење.
Посипете со маслиново масло и зачинете со сол и црн пипер.
Печете во рерна на 200 степени, околу 30 минути, иако најдобро ќе го процените потребното време. Тогаш кога фета сирењето ќе добие потемни рабови, време е да се извади садот.
Во исто време, гответе тестенини на шпоретот – половина пакетче треба да биде доволно за двајца, но исто така можете да ја зголемите таа количина и да го прилагодите рецептот за себе.
Кога ќе се испечат шери доматите и фета сирењето, додадете во таа смеса до две чешниња лук (смачкан) и грст сецкан босилек.
Фетата изгмечете ја со вилушка и измешајте заедно со шери доматите, лукот и босилекот, а на крај додадете ги тестенините и се измешајте добро! И тоа е тоа!
Уживајте. На здравје!