Фантазија од вкусови.
Овој колач е толку лесен за подготовка и исто толку лесно и брзо се јаде. Направете го и уживајте во вкусот.
Состојки:
Кора:
- 6 јајца
- 6 лажици шеќер
- 6 лажици брашно
- 1 прашок за пециво
Фил:
- 1 литар млеко
- 3 пудинзи од ванила
- 10 лажици шеќер
- 3 мали кисели павлаки
- 1 тегла компот од праска или кајсија
- 200 мл слатка павлака
Подготовка:
За бисквитот изматете јајца со шеќер, додадете брашно измешано со прашок за пециво. Се пече во поголем плех. Печете на 180 степени додека да пожолти кората и почне да се двои од краевите.
Топлиот бисквит кога ќе го извадите од рерна прелијте го со сокот од компотот и врз него ставете праски или кајсии (половини или четвртини). За кремот сварете го пудингот со 10 лажици шеќер. Додадете уште 3 кисели павлаки, убаво измешајте и веднаш прелијте го кремот врз кората со наредена со праски.
Кога сето ќе се излади премачкајте со 200 мл изматена слатка павлака. Слојот од шлаг одозгора треба да биде многу тенок, по желба можете да измешате 500 мл слатка павлака, тогаш слојот од кремот и шлагот ќе бидат со иста дебелина.
Пријатно!
