Доколку барате нешто вкусно, а брзо да го подготвите, имаме одлична идеја.
Овој ручек е полн со витамини и минерали, но и многу вкусен. Тоа е одлична идеја за сите оние кои сакаат да ослабат некој килограм или едноставно да се хранат здраво. Кафеавиот ориз, кој е главната состојка во овој оброк, е богат со манган, селен и растителни влакна. Храната богата со растителни влакна подолго го одржува чувството на ситост, па затоа им се препорачува на луѓето кои сакаат да ги изгубат вишокот килограми.
Покрај тоа што е богат со влакна, интегралниот ориз постепено ослободува шеќер во крвотокот, а неговата висока содржина на магнезиум помага во регулирање на нивото на шеќер во крвта.
Состојки:
- 100 гр интегрален ориз
- 50 гр бело месо
- 1 пиперка
- 1 морков
- Половина кромид
- 1 компир
- 1 тиквичка
- масло
- зачин
- бибер
Подготовка:
Зеленчукот и белото месо исечкајте ги на коцки и пропржете ги на малку масло.
Во шерпа ставете ориз, прелијте го со вода и варете на тивок оган. Кога оризот ќе почне да нараснува, додадете го зеленчукот што сте го подготвиле и месото и варете додека оризот не омекне. По желба додадете сол и бибер.
Пријатно!