По една недела, ќе почувствувате дека варењето се нормализира и вашето тело добива енергија.
Овесот е една од најздравите житни култури во светот. Иако неправедно го занемаривме, нашите предци редовно го користеа.
Овесната каша како што ја знаеме денес не е ни блиску до она што треба да го јадеме. Преработената овесна каша не е здрава. Најздраво е да се купи цел овес, да се меле и да се прави каша од тоа брашно со адитиви по ваш избор.
Вистинска домашна, овесна каша е неверојатно хранлива. Оваа храна од цело зрно може да помогне при губење на тежината, обезбедува одличен избор на влакна и сл.
Состојки:
- 1 чаша овес
- 4 чаши млеко
- 1 лажица мед
- 1 лажичка цимет
- 2 лажици суво грозје
Подготовка:
Ставете сe во сад, покријте и оставете го во фрижидер преку ноќ. Утрото ставете го во тава или шерпа и варете околу 15 минути додека смесата не се згусне и овесот добро да се свари. Одозгора можете да додадете и сецкана јаболка на коцкички.
Јадете ваква овесна каша со чиста совест, бидејќи ова е најздравиот појадок што можете да си го дозволите.
Еве зошто е добра идеја да го подготвувате овој појадок секое утро:
1. Ја стимулира работата на дебелото црево
Влакната што се наоѓаат во овесот помагаат во чистење на цревата, поттикнувајќи здраво варење. Тие, исто така, помагаат да се подобри целокупното здравје на гастроинтестиналниот тракт со тоа што ќе се обезбеди дека храната ќе стигне до местото каде што треба да оди во одреден временски период.
2. Го негува здравјето на срцето
Истражувањата ги докажуваат придобивките од овесната каша за здраво срце и намален ризик од срцеви заболувања како што е коронарна срцева болест. Антиоксидансите и здравите влакна присутни во овесот го прават ова одличен избор за појадок за оние кои треба да го намалат нивото на лош холестерол.
3. Го намалува ризикот од рак на дебелото црево
Спроведени се студии на 2 милиони луѓе во Европа кои покажаа дека високото ниво на диетални влакна може да го спречи развојот на рак на дебелото црево. За да ја избегнете оваа злобна болест, јадете што е можно повеќе овесна каша.
4. Го намалува крвниот притисок
Едно истражување покажа дека редовното консумирање овесна каша за појадок може да има исто значење како и земањето лекови за висок крвен притисок. Овесната каша, сепак, е само помош за намалување на крвниот притисок и не треба да ги заменува лековите.
5. Го регулира шеќерот во крвта
Примарните растворливи влакна во овес, познати како бета глукан, делумно се раствораат во вода при голтање, формирајќи густа супстанција во стомакот која има силни здравствени својства. Една од примарните придобивки од ова влакно е неговата способност да помогне да се намали нивото на шеќер во крвта и да се намали отпорноста на инсулин кај оние со дијабетес тип 2.
6. Помага во регулирање на телесната тежина
Луѓето кои постојано се на диета имаат проблем со губење на тежината бидејќи постојано чувствуваат глад, па прибегнуваат кон нездрави грицки. Овесната каша создава чувство на ситост подолг дел од денот и го чисти телото од токсини. На пример, ако јадете квалитетна овесна каша за појадок, нема да бидете гладни до ручек кога можете и треба да јадете нешто варено и со добар квалитет.