За денес ви одготвивме рецепт за мусака, така едноставна и неодоливо вкусна…
Состојки:
- 1 главица кромид
- 500 гр мелено месо (по избор)
- 1 лажица црвена мелена пиперка
- 10-13 компири
- 4 јајца
- 1/2 л млеко
- масло
- сол
- бибер
- лук (по желба)
Начин на подготовка:
Излупете ги компирите и исечете ги на малку подебели парчиња, па гответе 5-10 минути. Исцедете и измијте ги со ладна вода.
Кромидот ситно исечкајте го и динстајте го на масло, додајте и прстофат шеќер.
Потоа додајте го месото и динстајте.Додајте пипер, сол и бибер и лук, по желба.
Во тепсија прво редете ги зготвените компири, па месото, ред компири, ред месо и на крај завршете со компири.
Разматете јајца и млеко и со нив прелијте ги компирите и месото.
Ставете го садот во загреана рерна на 200 степени и покријте со фолија. Печете од 30 до 40 минути, зависно од рерната, а потоа тргнете ја фолијата и печете десетина минути додека компирите на врвот не поруменат.
Добар апетит!