Младите брачни двојки кои се венчаат после 22 март претходната година на овој ден го слават младенци.
На овој ден, членовите на семејството и пријателите го посетуваат нивниот дом и им подаруваат подароци. Домаќинките се будат рано и подготвуваат празнична посна трпеза, но и специјални слатки колачиња – младенци. Колачињата младенци симболизираат долг, среќен и сладок брачен живот.
Состојки:
- Половина килограм меко пченично брашно
- 1 свеж квасец
- 2 лажички шеќер
- 1 лажичка сол
- 200 мл топла вода
- 50 мл масло
- Рендана кора од портокал
- мед
- суво грозје, каранфилче, ореви, лешници или чоколадо
Подготовка:
Се замесува тесто од брашно, вода, квасец, шеќер, масло, кора од портокал и сол.
Оставете го да отстои половина час, па расукајте го на дебелина од 0,5 см и направете 40 колачи (можете да ги извадите со чаша или соодветен калап).
Наредете ги колачињата во плех и почекајте да нараснат. Печете ги околу 20 минути, а потоа извадете ги и премачкајте ги со мед додека се уште топли. По желба можете да ги украсите колачињата со суво грозје, каранфилче, мелени ореви, лешници или чоколадо.
Пријатно!
