Прекрасно мека кора со какао и лешници, крем од лешник збогатен со малку еурокрем и сето тоа заокружено со чоколадо.
Состојки:
Кора:
- 6 јајца
- 6 лажици шеќер
- 100 мл масло
- 3 лажици брашно
- 2 лажици какао
- 100 гр печени мелени лешници
- 10 гр прашок за пециво
Крем:
- 600 мл млеко
- 2 пудинга со вкус на лешник
- 6 лажици шеќер (или по вкус)
- 150 гр путер
- 2 полни лажици нугат крем
Ганаш:
- 200 мл слатка павлака
- 150 гр чоколадо
За посипување 200 мл чоколадно млеко
Подготовка:
Прво сварете го пудингот. Во 100 мл ладно млеко измешајте ги пудингот и шеќерот, а останатите 500 мл ставете ги на оган да се варат. Кога млекото ќе зоврие, тргнете го од оган, полека сипете и промешајте. Вратете на оган и мешајте додека не се згусне.
Се трга од оган, се покрива со фолија и се остава да се излади. Вклучете ја рерната да се загрее на 180 степени. Белките се матат со шеќерот, постепено се додаваат жолчките и маслото, сето тоа додека се матат. На крај додадете ги брашното, какаото и прашокот за пециво, додадете ги мелените лешници и сè измешајте со шпатула.
Сипете ја смесата во обложен плех 33 x 23 cm или 30 x 20 и печете околу 25 минути, во зависност од рерната. Испечената и оладена кора се сече хоризонтално да се добијат две. Изладениот крем кратко изматете го со миксер, додадете го путерот и повторно изматете, па додајте го кремот нугат и сето кратко измешајте.
Чоколадото искршете го и загрејте ја слатката павлака додека не зоврие. Прелијте го чоколадото, почекајте малку и соединете. Тортата редете ја во калап со обрач или во плех. Првата кора попрскајте ја со 100 мл чоколадно млеко. Нанесете 2/3 од кремот, покријте со друга кора, која исто така ја прскаме со млеко.
Остатокот од филот нанесете го на кората и израмнете. Со оладеното чоколадо прелијте го колачот и оставете го да се излади барем неколку часа. Се сече на коцки и се сервира.
Пријатно!
