Нема да можете да им оддолеете на нивниот вкус и изглед. Посебно ќе ги сакаат најмалите и најмилите.
Состојки:
- 550 гр брашно
- 150 гр путер
- 180 гр шеќер
- 1 лажичка екстракт од ванила
- 2 јајца
- 1 кесичка прашок за пециво
- половина лажичка сол
- 80 мл млеко
- 2 кесички ванилин шеќер
- 200 гр тврди бонбони во разни бои
Подготовка:
Загрејте ја рерната на 180С. Изматете го путерот на собна температура со шеќерот и ванилиниот шеќер. Додадете екстракт од ванила и јајце. Одделно просејте ги брашното и прашокот за пециво и малку промешајте па потоа додајте ги на претходната маса. Додадете млеко и замесете мазно тесто.
Замесеното тесто распоредете го на работна маса посипана со брашно и со сукало расукајте го до дебелина од 5 мм.Ставете ги бонбоните во кеса, а потоа издробете ги со чекан за месо. Внимавајте да не се изрони премногу.
Обложете го садот за печење со хартија за печење. Од расуканото тесто со калапи по желба извадете ги формите, а потоа со тркалезен соодветен калап отстранете ја средината на секоја форма.
Тестото наредете го на плех и на секоја средина ставете по неколку распарчени бонбони. Секое колаче прободете го со чепкалка за заби, па колачињата ќе можете да ги закачите на елката, само треба да закачите конец низ дупката.
Печете во загреана рерна 10-15 минути, додека бонбоните не се растопат, внимавајќи да не изгорат колачињата. Мора да останат бели. Печените колачиња оставете ги да се изладат во тавата, па внимателно извадете ги и наредете ги во плех.
По желба украсете со глазура. Исто така можете да слепите две колачиња едно со друго а меѓу нив во стаклениот простор да ставите украсни трошки и слично. Премногу се вкусни за јадење и треба да ги складирате во кутија, а можете и да ги ставите на елката како украс. Од оваа количина на материјал излегуваат околу 50 колачиња.
Пријатно!
