Многу луѓе користат овесни снегулки за подготовка на каша доколку изберат да водат здрава исхрана, а ова е омилен оброк за оние кои сакаат да ослабат, оние кои се на диета или на специјална исхрана.
Овесната каша е богата со растителни влакна и позитивно влијае на метаболизмот и варењето. Сега можете да ја примените во различна форма. Од овесните снегулки можете да направите вкусен и здрав леб, кој содржи помалку калории од белиот или р’жаниот леб, па може да биде одлична намирница во процесот на слабеење.
Лебот од овес за слабеење се подготвува лесно и брзо, без брашно и без квасец. Не мора да чекате тестото да нарасне, ниту да го месите долго време. Сè што треба да направите е да комбинирате неколку здрави и хранливи намирници и ќе го добиете совршениот леб. Овој леб е богат со протеини бидејќи содржи јајца, но и пробиотици бидејќи една од основните состојки е јогуртот.
Еве го рецептот!
Состојки:
- 250 гр овесни снегулки (
- 2 јајца
- 300 мл грчки јогурт / или кисело млеко
- 2 лажички сол
- 2 шака сечкани ореви
- 1 прашок за пециво
Подготовка:
Истурете ги овесните снегулки во длабок сад, а потоа додадете 2 јајца. Мешајте со рака додека не добиете еднолична смеса. Во смесата додадете јогурт или кисело млеко, па промешајте. Додадете прашок за пециво и ореви и измешајте сè додека не се соединат состојките. По желба можете да го зачините тестото со сол.
Обложете го садот за печење со хартија за печење инамаслете го со малку масло. Распоредете ја смесата рамномерно во садот.
Печете околу 45 минути на 180 степени.
Испечениот леб оставете го малку да отстои, па исечете го на кришки и уживајте во вкусот на здравиот леб.
Добар апетит!