Доколку имате бајат леб и мелено месо, ова е одличен предлог за ручек или вечера!
Нема повеќе инспирација за ручек? Ако сакате нешто лесно и брзо, а неверојатно вкусно, тогаш мора да го пробате ова јадење со мелено месо. Не фрлајте бајат леб, бидејќи освен за пржена храна, можете да го искористите и за незаборавен ручек. Дополнителна предност е тоа што нема многу валкани садови.
Состојки:
- 400 гр мелено месо
- 1 кромид
- 6 јајца
- 250 мл млеко
- 1 домат
- 100 гр тврдо сирење
- бајат леб
- сол, бибер, ким
Подготовка:
Зачинете го меленото месо со сол, бибер, ким, мајчина душица и ситно исечканиот кромид. Истурете 100 мл млеко. Добро измешајте. Во тавата сипете малку масло, а на дното нанесете го меленото месо.
Обидете се да формирате круг месо, а потоа свртете да се готви од другата страна. Одозгора ставете парчиња леб. Посолете и побиберете ги јајцата и додадете 150 мл млеко, па изматете. Прелијте го лебот.
Покријте и печете 6 минути на тивок оган. Потоа повторно свртете и наредете ги парчињата домати, посипете со рендано сирење и повторно покријте. Оставете 3 минути на тивок оган.
Пријатно!