Реклама
Необичен ручек кој ќе ве изненади со својот вкус и изглед. Совршен посен ручек за оние кои сакаат ручек без месо.
Состојки:
- 10 црвени пиперки
- 2 чаши киноа
- коцка супа од зеленчук
- 100 гр ореви
- 1 кромид
- 2 чешниња лук
- 1 грст блитва
- 1 домат
- сол
- бибер
- црвен пипер
- масло
- сок од половина лимон
Подготовка:
Ставете коцка супа од зеленчук во литар вода и кога ќе се стопи, додадете киноа. Гответе 20 минути во половина покриена тава. Во длабока тава пржете го кромидот и лукот на загреано масло, додадете ги киноа, исечкана блитва, ситно исецкани ореви, сол, бибер, црвен пипер и оставете да се крчка убаво.
Реклама
Тргнете го од оган и додадете сок од половина лимон. Исчистете ги пиперките од врвовите, наредете ги во огноотпорен сад и наполнете ги со смесата. Покријте ги со парче од домат исечено на круг, истурете малку вода во садот и покријте ги со алуминиумска фолија. Печете околу половина час во рерна загреана на 200 степени.
Добар апетит!