Оваа солена торта е исклучително богата, и ако ја исечете на помали коцки, може да ви послужи како богато предјадење.
Состојки:
- 150-200 грама маргарин
- 200 грама посно мајонез
- 1 лажица сенф
- 300 грама посни крекери
- 50 грама семе од сусам
- 2 кисели краставички
- 2 моркови варени
- 2 варени компири
- 1 кисела пиперка
- 50 грама печени кикирики
- 200 мл сок од кисели краставици
Подготовка:
Изматете 150 гр маргарин додека не се запени, а потоа додадете мајонез, па комбинирајте го и изматете со маргарин. Исечете краставици, компири, моркови и пиперки на мали коцки. потоа додадете изматен маргарин со мајонез.
Додадете лажица сенф и измешајте се добро. Оставете 2 лажици мајонез да можат страните на тортата да се премачкаат и малку одозгора. Наредете солени крекери во плех, но најпрво потопете ги во сок од кисела краставица. Распрснете го филот врз наредените крекери, наредете го убаво и потоа следниот ред крекери, па филот и така се додека не се потроши се.
Одозгора ставете мајонез изматен со маргарин, како и од страна. Посипете со сусам и грубо сецкани кикирики.
Направете ја тортата ден или два порано за да се впијат крекерите.
На здравје!
