Кога ќе немате идеја што да зготвите за ручек, свртете се кон едноставните рецепти подготвени на малку поинаков начин. Еве како да направите совршено сочна мусака од свежа зелка и сирење, која воедно е рецепт за кето диета.
Правилото на кето диетата е јасно – ограничена потрошувачка на јаглени хидрати. Тоа значи дека се дозволени само одредени видови храна – сите продукти од месо и риба, одредени млечни производи и повеќето зеленчуци.
Доколку ви треба идеја за кето рецепт, или само предлог за малку поинаков ручек, пробајте рецепт за сочна мусака со зелка и сирење. Бидејќи нема месо, тоа може да го јаде секој што почитува вегетаријанска исхрана.
Состојки:
- 1 главица зелка
- 1 кромид
- 2 лажички ситно сечкан лук
- 180 гр. крем сирење
- 170 гр. чедар сирење
- 1 и 1/2 чаши павлака за готвење
- 8 лажици стопен путер
- зачини по желба
Начин на подготовка:
Загрејте ја рерната на 200 степени. Во меѓувреме, во длабока тава на путер пропржете ги ситно сечканиот кромид и лукот. Додадете ја ренданата зелка и оставете да крчка 7-10 минути, динстајќи се во сопствениот сок.
Додадете павлака и крем сирење, додадете зачини по вкус и оставете на оган уште 5 минути. Кога е готова, смесата истурете ја во подмачкан огноотпорен сад и посипете со рендан чедар.
Печете во рерна 15-20 минути додека кашкавалот се растопи и добие златна боја.
Пријатен апетит!
Извор:Sensa