Неколку рецепти за супозитории: Направете домашни чепови за хемороиди!

Вреди да се проба:

Природен лек за хемороиди.

Рецепт 1: Состојки:

  • 20 гр корен од гавез
  • 20 гр цвеќиња од невен
  • 20 гр ајдучка трева
  • 20 гр кантарион
  • 20 гр камилица
  • 5 дл маслиново масло
  • 3 чешниња лук
  • Една четвртина чаша кокосово масло
  • 10 капки екстракт од хамамелис

Подготовка:

Истурете ги билките во стаклена тегла и прелијте ги со маслиново масло, а потоа промешајте. Затворете ја теглата и оставете ја на сончево или топло место четири недели. Потоа исцедете ја течноста преку газа. Земете 1 дл масло од теглата и измешајте го со кокосово масло, пире од лук и екстракт од хамамелис.

- Advertisement -

Ставете го во фрижидер малку да се стегне, а потоа формирајте супозитории и наредете ги на плех обложен со хартија за печење. Потоа замрзнете го. Завиткајте ја секоја супозиторија во фолија, а потоа ставете ги во пластична кутија или тегла и оставете ги во фрижидер. Ставете по една супозиторија секоја вечер пред спиење. Терапијата трае 21 ден, по што треба да направите двомесечна пауза. Потоа, доколку е потребно, повторете го третманот.

Рецепт 2: Состојки:

  • 250 гр несолена свинска маст
  • 50 гр исушени цвеќиња од невен
  • 2 лажици мед
  • 50 гр рендан восок

Подготовка:

Загрејте ја маста до вриење. Додадете невен и варете само половина минута. Тргнете од шпоретот и оставете покриено 12 часа. Следниот ден, загрејте ја маста и исцедете ја преку газа. Додадете го ренданиот восок и мешајте додека не се раствори целосно. На крај додадете мед и добро промешајте.

Кога смесата малку ќе се стврдне, формирајте супозитории, кои треба да се завиткаат во фолија и да се замрзнат. Чувајте ги во фрижидер и користете една супозиторија секоја вечер пред спиење.

Рецепт 3: Состојки:

  • 100 мл масло од кантарион
  • 2 лажици ливадски мед
  • 1 лажица сецкан чист прополис (не тинктура)
  • 1 лажица несолена свинска маст
  • 60 гр рендан восок

Подготовка:

Растопете го пчелниот восок на пареа. Додадете ја маста, маслото од кантарион и мешајте додека не се соединат сите состојки. Тргнете го садот од пареата и веднаш штом се олади малку, додадете го медот. Мешајте додека состојките не се соединат.
Кога смесата малку ќе се стврдне, формирајте супозитории, кои потоа треба да се завиткаат во фолија за храна и да се замрзнат. Чувајте ги во фрижидер и користете една супозиторија секоја вечер пред спиење.

Рецепт 4: Состојки:

  • 2 дл маслиново масло
  • 50 гр сецкани цвеќиња од ајдучка трева
  • 1 лажица сецкан чист прополис
  • 1 лажица мед
  • 50 гр рендан восок

Подготовка:

Истурете го маслото и ајдучката трева во стаклена тегла. Затворете ја теглата и оставете ја на собна температура шест недели (протресете секој ден). Исцедете го маслото преку газа, па истурете го во сад и додадете восок и прополис. Загрејте го на пареа, постојано мешајќи, додека состојките не се соединат.

Тргнете го од пареата и кога смесата ќе се олади малку, додадете го медот. Мешајте додека не се соедини целосно. Кога смесата малку ќе се стврдне, формирајте супозитории, кои треба да се завиткаат во фолија и да се замрзнат. Чувајте ги во фрижидер и користете една супозиторија секоја вечер пред спиење.

- Advertisement -spot_img

Последни рецепти

- Advertisement -spot_img

Повеќе рецепти

- Advertisement -spot_img
error: Содржината е заклучена!