Исто така познат како леб од млеко Хокаидо. Неверојатно меко и воздушно, благодарение на едноставната јапонска техника наречена тангжонг која обезбедува мек леб секој пат.
Состојки:
Тесто:
- 300 гр брашно
- 2 лажици млеко во прав
- 50 гр шеќер
- 1 лажичка сол
- 1 лажица инстант квасец
- 120 полномасно млеко, малку загреано
- 1 големо јајце
- 4 лажици стопен несолен путер
Стартер:
- 3 лажици вода
- 3 лажици полномасно млеко
- 2 лажици брашно
За премачкување:
- 1 јајце
- 2 лажици млеко
- 1/2 лажица стопен путер
Подготовка:
За стартер: Комбинирајте ја водата, млекото и брашното во мало тенџере и изматете ги заедно додека не се разбијат сите грутки. Ставете го тенџерето на тивок оган и варете ја смесата, мешајќи постојано користејќи гумена шпатула или жица за матење, додека не се згусне околу 3 до 5 минути. Пренесете го во мал сад, покријте го со пластична фолија и оставете го да се излади на собна температура.
За тесто: Во сад со миксер изматете ги брашното, млеко во прав, шеќер, сол и квасец за да се комбинираат. Во друг сад изматете ги млекото, јајцето, стопениот путер и оладениот стартер кој го подготвивте додека не се соединат добро. Истурете ја смесата со млеко врз смесата со брашно и со миксер со мала брзина, месете додека не се формира тесто.
Тестото ќе биде многу лепливо кога ќе започне мешањето, но подоцна тестото ќе ја апсорбира вишокот на влага и убаво ќе се соедини како што напредува мешањето. Зголемете ја брзината на средно ниско и продолжете со месење додека не се формира мазно, еластично тесто и повеќе не е лепливо 15 до 20 минути.
Во овој момент, тестото треба да се чувствува малку лепливо, но не многу и лесно се ракува со подмачкани раце. Подмачкајте ги рацете, обликувајте го тестото во топче и префрлете го во подмачкан сад. Покријте го со проѕирна фолија и оставете да се крене на топло место, додека не се зголеми двојно волуменот, од 60 до 90 минути.
Потоа ставете го на работна површина нежно растегнете го тестото во квадратна форна и исечете го тестото на 9 парчиња (3 реда со 3 реда). Одделете парчиња и лабаво покријте ги. Од секое парче формирајте топчиња и ставете ги во плех за печење. Покријте со проѕирна фолија и оставете ги да стасаат 40 до 50 минути.
Загрејте ја рерната на 180 степени Ц. Подгответе изматено јајце со млеко за премачкување и пред да ги ставите да се печат премачкајте ги со оваа смеса лебчињата одозгора. Печете 20 до 25 минути, додека не поруменат одозгора. Извадете ги од рерната, а потоа веднаш премачкајте ги со стопен путер. Оставете ги да се оладат 10 минути и спремни се за јадење.
Пријатно!
