Одвојте малку време, ослободете ја вашата креативност и направете совршени новогодишни мафини.
Како што течат новогодишните празници, љубителите на декорацијата веќе бараат оригинални идеи за украси и слатки. За да не се мачите, ви претставуваме фантастични колачи во форма на снежни топки, кои дефинитивно ќе бидат најубавиот украс на секоја маса!
Одвојте малку време, ослободете ја вашата креативност и направете совршени новогодишни мафини!
Состојки:
- 12 листови желатин
- малку ладна вода
- 8 балони
- стапчиња за ражен
- селотејп
- парче стиропор
- спреј за слатки (можете сами да го направите – ставете малку растително масло и течен лецитин во еднакви размери во чисто шише со спреј)
Подготовка:
Желатинот се става еден по еден во сад со малку ледена вода и се остава да отстои десетина минути. Откако ќе омекнат, извадете ги од водата, нежно исцедете го вишокот вода, па префрлете го желатинот во помала тава. Додадете три лажици вода и загрејте нежно додека не се растопи.
Оставете малку да се излади додека не е повеќе жешко на допир. Ако премногу се олади и се стврдне, загрејте го. Додека желатинот се лади, надувајте 8 балони со големина на калапите за мафини што ги имате, па залепете ги на стапчињата за ражен. Испрскајте ги дланките, а потоа лесно премачкајте ги балоните со рацете додека маслото не се впие. Балоните не смеат да бидат сјајни или мрсни.
Изладениот желатин ставете го во шолја со ширина на балонот, а длабочината да може да се смести целиот балон во неа. Откако ќе го потопите балонот во желатин, извадете го, а кога ќе престане да капе, ставете го стапчето во стиропор (исправено) и оставете го да отстои десетина минути. Балоните се готови кога веќе нема да се лепат на допир.
Потопувањето повторете го во желатин, но овој пат оставете ги балоните да отстојат 24 часа на собна температура. Се е подготвено за следниот чекор откако желатинот на балоните ќе стане цврст.
За да го одвоите желатинското топче од балонот, исечете го на местото каде што се спојува со стапчето. Балонот ќе се надува, а потоа нежно извлечете го. Ако не се одвои веднаш, оставете да отстои малку (5-45 минути). Отворот на секое топче обликувајте го со ножици така што ќе биде како капак за мафини.
Пред да ги ставите топчињата на мафините, секој мафин премачкајте го со бел крем по избор и посипете со кокос за да дадете изглед на снег. На секој мафин ставете шеќерен украс во празничен дух, како Дедо Мраз, Снешко, ирваси, елка… Што сакате, а на самиот крај ставете капак од желатин.
Пријатно!