Нема ништо поубаво од овој кремаст сочен колач!
Состојки:
Кора:
- 6 белки
- 6 лажици шеќер
- 4 лажици брашно
- 14 лажици кокосово брашно
Фил од цреша:
- 680 гр цреши (или 1 тегла)
- 1 пакетче пудинг од ванила
- 3 лажици шеќер
Крем:
- 2 пакетчиња пудинг од ванила
- 4 лажици шеќер
- 750 мл млеко
- 500 мл слатка павлака
Чоколадна глазура:
- 100 гр чоколадо за готвење
- 50 гр путер (или маргарин)
Подготовка:
За кората, добро изматете ги белките, а потоа додадете шеќер, и постепено, на најниско ниво додадете ги брашното и кокосот. Внимателно ставете во подмачкан и набрашнет плех (голем од рерна) и печете 15-20 минути. на 180 степени.
Исцедете тегла цреши, сварете го пудингот и шеќерот во сокот, а потоа додадете ги црешите, оставете да зовријат, тргнете од оган и прелијте го овој фил врз изладената кора.
Сварете пудинг од ванила (+ шеќер), изладете го и додадете го претходно изматениот крем/ слатка павлака измешајте убаво заедно и премачкајте го кремот врз изладениот колач.
Стопете ги чоколадото и путерот (маргарин) полека на тивок оган и премачкајте ја тортата одозгора, изладете ја, исечете ја и уживајте во магијата на лесен и освежителен вкус.
Уживајте!
