Доколку оваа година го славите Свети Никола, ви предлагаме торта со кокос, чоколадо и плазма.
Чоколадото, кокосот и бисквитите се добитна комбинација на состојки при правење колачи. Наш предлог е со овие состојки да ја направите најубавата посна торта која ќе ја разубави празничната трпеза за Свети Никола. Направете го чоколадниот фил, па прелијте го врз бисквитите и кокосот. На гостите ќе им се допадне ова неодоливо задоволство и сите ќе ве прашаат за рецептот за оваа едноставна торта.
Состојки:
- 200 гр посни плазма бисквити
- 200 гр чоколадо за готвење
- 100 гр маргарин
- 125 мл вода
- 6 лажици шеќер
- 50 гр кокос
- 30 гр какао
Подготовка:
Во тенџере истурете вода, шеќер, маргарин на собна температура што сте го исецкале, како и рендано чоколадо. Гответе додека не се соединат сите состојки. Мешајте повремено. Кога состојките ќе се соединат и филот ќе почне да врие, готов е.
Во меѓувреме во друг сад измешајте ги искршените бисквити и кокосот. Прелијте ги бисквитите и кокосот со филот, па измешајте. Потоа земете друг калап/ сад покријте го со проѕирна фолија, па истурете ја добиената смеса и малку протресете ја убаво да се распореди. Ставете во фрижидер да се стегне. Пред сечењето оставете го да отстои 10 минути, па послужете.
Уживајте!
