За сите љубители на свинско месо, овој оброк е нешто што ќе им се допадне уште од првиот залак.
Без разлика дали правите ребра дома во рерна или на скара во природа, нема да погрешите со овој рецепт. Тајната е во маринадата со мед и сенф, поради која месото ќе се залепи за прстите и ќе биде повкусно. Ќе биде поубаво отколку од ресторан.
Состојки:
- 1 кг свински ребра
За маринадата:
- 4 супени лажици сенф
- 2 лажици јаболков оцет
- 3 лажици мед
- 4 супени лажици маслиново масло
- сол
Подготовка:
Свинските ребра убаво посолете ги и премачкајте ги со сенф. Подгответе ја маринадата со мешање на маслиново масло, мед и јаболков оцет во сад. Прелијте ги ребрата и маринирајте го месото најмалку 2 часа, ако е можно и подолго време.
Потоа, извадете ги ребрата и ставете ги на плех обложен со хартија за печење и печете ги на 180 степени. Повремено вртете и премачкувајте ги со маринадата. Печете ги ребрата додека врвот не порумени убаво.
Пријатно!
Извор: Прашање на вкус
