Кремаст и вкусен млад компир на кој никој нема да може да му одолее.
Состојки:
- Млади компири
- Сув зачин
- Маслиново масло
- Рузмарин
- Пипер
- Малку путер или маргарин
- сланина
Прелив:
- Кисела павлака
- Јогурт
- Мајонез
- Лук во прав или смачкан свеж
- Малку сол
- Малку лути пиперки (по избор)
- Малку сирење
- млади листови кромид
Подготовка:
Прво измијте и излупете го компирот и потоа избришете го со крпа. Ставете ги компирите во еден сад и прелијте ги со маслиново масло. Ако не сакате маслиново масло, заменете го со некое по ваш избор. Додадете сув зачин, рузмарин и бибер.
Промешајте и ставете во подмачкана тава во која сте додале неколку парчиња путер или маргарин и малку вода. Печете на 200 C во загреана рерна околу 40-45 минути.
Ситно исецкајте ја сланината, а потоа лесно испржете ја и оставете настрана. Измешајте малку кисела павлака, додадете јогурт и мајонез и остатокот од зачините.
Прелијте го печениот млад компир, па одозгора изрендајте сирење по ваш избор и посипете со пржена сланина, како и исецкани млади листови од кромид.
На здравје!
