Направете домашни ќебапи завиткани во сланина.
Скарата не може да биде комплетна без ќебапи. Ова популарно јадење со мелено месо е толку вкусно и толку лесно за правење. Дома немате можност да ги печете на скара, а подобро од пржење се печат во рерна. Уште подобро е кога ќе ги завиткате во сланина. Направете го овој вистински гурмански ручек кој ќе го сака целото семејство. Послужете со топол леб.
Состојки:
- 1 парче тост леб
- 30 мл млеко
- 1 кромид
- 300 гр мелено месо
- магдонос
- 200 гр сланина на парчиња
Подготовка:
Лебот прелијте го со млекото, и оставете го 5 минути, па заедно со кромидот ставете го во блендер. Добро изблендирајте, па добиената смеса додадете ја во меленото месо. Зачинете со сол, бибер, додадете сечкан магдонос и убаво измешајте.
Формирајте помали ќебапи, а потоа замотајте ги во парче сланина. Се редат во тавче обложено со хартија за печење. Се пече во рерна на 190°C околу 20 минути.
Пријатно!
