Пита со сирење и коприва е здрава, но и вкусна.
Нема потреба да се зборува за придобивките од копривата. Покрај тоа што е многу здрава, копривата се користи за правење разни чаеви, сирупи, пијалоци, како и јадења. Пита со сирење и коприва може да се јаде како појадок и како вечера, а се прави едноставно и брзо.
Состојки:
- 500 гр урда или сирење
- 300 гр млади коприви
- 300 грама јогурт
- 4 јајца
- 1 вреќа прашок за пециво
- чаша масло
- малку сол
- газирана вода
- едно пакување кори за пита
Подготовка:
Копривата варете ја 5 минути во врела вода, а потоа извадете ја да се исцеди и да се излади. Изматете го сирењето, јајцата и јогуртот со жица, а потоа додадете го прашокот за пециво, солта и маслото.
Потоа додадете исечкана коприва во смесата. Ставете ја смесата на едниот крај од кората, па завиткајте ги како ролна и наредете ги на плех.
Наполнете ја тавата посипете ја со кисела вода и ставете ја во загреана рерна на 200 степени да се пече помеѓу 20 и 30 минути, додека горната кора не порумени. Пред сервирање, покријте го со крпа и оставете малку да се излади.
Добар апетит!
