Ова е специјалитет кој ја стави Босна на гастрономската карта на светот!
Кога сакаш да навредиш Босанец понуди му бурек со сирење – Оваа стара изрека е вистинита и денес. Во најдобар случај, ќе предизвикате расправија.
Шала на страна, во Босна бурекот е крал на питите, пити со месо. Другите пити се именувани по главната состојка – сирење, компири, зеленило, тиква… Во сите републики на поранешна Југославија има бурек со сирење, но не и во Босна.
Причината е едноставна – бурекот таму е национално јадење и многу е вкусен и сочен. Затоа рецептот за вистински босански бурек е една од најдобро чуваните тајни на овие простори, а во продолжение е рецептот како да го направите.
Состојки за тесто:
- 1 кг брашно ТИП 450
- малку сол
- млака вода
Состојки за мешавина од месо:
- 1,5 кг ситно сечкано говедско месо (може и мелено)
- кромид
- лук
- бибер
- сол
Подготовка:
Од наведените состојки за тесто замесете го тестото. Откако ќе го замесите, тестото треба да стои во најлонска кеса најмалку 20 минути на топло место, а во фрижидер до 2 дена.
Направете мешавна од ситно сецкано или мелено месо, со ситно сецкан кромид и лук по желба. Зачинете со сол и бибер.
Замесете го тестото, развлечете го, па премачкајте го со масло или путер.
Рамномерно распоредете ја мешавината од месо. Завиткајте ги питите и потоа премачкајте ги со масло или путер.
Бурекот се пече во загреана рерна на 250°C околу 20 минути, а потоа се остава 5 минути на дното на рерната „да се пече“.
За покрцкав бурек, посипете со малку зовриена вода.
Добар апетит!