„Монте Кристо“ е најдобриот сендвич со сирење и шунка досега. Сите го обожаваат.
Состојки:
- 6 поголеми кришки тост леб
- 4 парчиња шунка или пршута сечена на тенко
- 80 гр. рендан кашкавал гауда (12 лажици)
- 6 лажици мајонез
За поховање:
- јајца 2
- млеко 5 лажички
- прстофат сол
- путер за пржење 2 лажици
Начин на подготовка на еден сендвич:
Ситно рендаме гауда сирење, или некој друг тврд кашкавал што го имаме. Земете 3 кришки тост леб и исечете им ја кората, бидејќи сендвичот ќе биде помек и подобро ќе се соедини со јајцата. Ставете ги кришките едно до друго и премачкајте ги со по 1 лажичка мајонез. Намачкајте го мајонезот и додадете 2 лажици рендано сирење. Врз кашкавалот ставете 1 парче шунка на две кришки, а третата кришка оставете ја на страна.
Едната кришка леб со шунка префрлете ја врз другата за да остане шунката одозгора. Порамнете ги страните и одозгора, преку шунката, притиснете со рака или со чиста кујнска даска за да ги направите слоевите потенки и подобро да се залепат еден за друг. Сега склопете ги двете залепени кришки леб со третата кришка што ја оставивме на страна, така што врз третото парче тост леб ќе ставите парче шунка над сирењето. Повторно, лесно притиснете ги сите три парчиња со дланката или таблата. Постапката повторете ја со уште еден сендвич.
Поховање и печење на сендвичот:
Во плиток сад со вилушка убаво изматете ги јајцата, млекото и малку сол. Вклучете го шпоретот да се загрее на умерен оган. Ставете ја тавата со путерот да се растопи и умерено да се загрее. Можеме да користите помала тава и секој сендвич да го пропржите посебно со 1 лажица путер или да ги пржите двата сендвичи заедно во поголема тава.
Сендвичот потопете го во изматените јајца со млеко и превртете го така што секоја страна да биде покриена со јајца. Не киснете премногу долго за да не се намокри сендвичот во внатрешноста.
Сендвичот се става во тава со загреан путер и се пржи по неколку минути од секоја страна. За време на пржењето превртете го да се пржи рамномерно од сите 6 страни.
Важно е температурата да не е висока, за да не изгори сендвичот. Извадете го сендвичот и ставете го на хартија да се впие вишокот мрснотија.
Исечете го сендвичот дијагонално и послужете.
Добар апетит!