Изненадете ги гостите со највкусните и најмеки домашни лиснати кифлички.
Состојки:
- 700 гр брашно
- 300 мл млеко
- 100 мл вода
- 100 мл масло
- 2 лажички шеќер
- 2 лажички сол
- 200 гр маргарин
- 1 ќесичка сув квасец
За премачкување:
- 200 гр маргарин
- 1 јајце
Подготовка:
Од наведените состојки се замесува тесто и се остава да стаса околу 30 минути на топло.
- Advertisement -
Стасаното тесто се дели на 10 топчиња. Секое топче се расукува во кора со големина од 20 см и се премачкува со маргарин.
Корите се редат една врз друга, а последната не се премачкува со маргарин. Вака наредните кори се расукуваат во голема кора со дебелина од 5-6 милиметри. Потоа кората се сече на 12 триаголници.
Триаголниците се мотаат во ролни и се формираат мали кроасани. Се оставаат малку са стасаат пред печење, околу 30 минути, а потоа се премачкуваат со јајце одозгора.
Се печат на температура од 200 степени Целзиусови, околу 30 минути.
На здравје!
