На денот на младенците, треба да се направат 41 колаче – од кои 40 се за 40- те свети маченици, и се додава 1 колаче за невестата, односно за детето што ќе го роди!
Состојки:
- 500 гр брашно
- 1 лажица шеќер
- 25 гр квасец
- малку сол
- 2 лажици маслиново масло
За обложување:
- мед
Подготовка:
Измешајте го брашното со масло. Во сад, ставете го брашното и направете дупка на средина во која треба да го ставите квасецот, додадете шеќер и сол и месете се со млака вода. Оставете го тестото да одмори ½ часа.
Пренесете го тестото на работната површина и формирајте правоаголна форма од тестото, со дебелина на еден прст, а потоа извадете 41 парче мали колачиња со калап или чашка. Наредете ги колачињата во намастена тава и оставете ги да одморат половина час.
Пред печење, премачкајте ја горната површина на крофните со масло и печете на средна топлина во зависност од рерната, 180-200 степени Ц, околу 40 минути.
Кога ќе ги извадите од рерна, посипете ги со мед и послужете.
Добар апетит!
