Меко пециво со интересен фил од суво грозје.
Ова е рецепт за искусни домаќинки кои досега правеле различни видови тесто, но ќе можат да се справат и почетниците во кујната, бидејќи не е тешко да се направи. На тестото му треба малку повеќе време за да се замеси за да се соединат состојките, но така ќе добиете меко пециво кое ќе ве освои уште при првиот залак.
Наполнете го тестото со необичен фил од суво грозје, па печете. Одличен предлог за слатка вечера или ужина. Ова пециво може да биде посно ако млекото го замените со вода или бадемово.
Состојки:
- 190 мл топло млеко или вода
- 5 гр квасец
- 60 гр шеќер
- 1/3 лажичка сол
- 30 гр мек путер (може да биде посен маргарин)
- 350 гр брашно
За полнење:
- 50 гр суво грозје
- 50 гр шеќер
- 50 гр путер
- 25 гр бадемово брашно
- 25 гр брашно
Подготовка:
Во топлото млеко додадете квасец и 1 лажичка шеќер, па измешајте. Покријте и оставете 10 минути. Во просеаното брашно додадете шеќер (60 гр). Додадете активиран квасец и замесете тесто. Додадете путер во тестото и месете додека убаво не се соедини. Тестото вратете го во тавче подмачкано со масло и покријте го со фолија, а потоа оставете го на топло околу 2 часа.
Тестото поделете го на 12 дела и обликувајте топчиња. Покријте додека го правите филот. За филот измешајте ги шеќерот, бадемовото брашно и брашното, па додадете го путерот. Кога ќе добиете ронлива смеса, додадете суво грозје и промешајте. Расукајте го тестото и прелијте со една лажица фил.
Покријте прво од двете страни во ширина, а потоа намотајте. Добро затворете. Се редат на плех обложен со хартија за печење. Покријте и оставете да отстои 20 минути. Се пече во рерна на 165 ° C околу 25 минути. Посипете со шеќер во прав.
Пријатно!