Гранола е едно од омилените јадења за појадок за многумина!
Крцкава е, вкусна, заситувачка и неспоредливо поздрава од купените варијанти, полни со адитиви и шеќер. Големата предност на домашната гранола е што можете да ја печете во поголеми количини, да ја чувате во тегли и да ја чувате до 3 недели. Плус, нема многу работа околу подготовката на појадокот наутро! Нашиот омилен е во комбинација со грчки јогурт, сезонско овошје и една лажица путер од кикирики!
Состојки:
- 140 гр овесни снегулки
- 40 гр кокос чипс
- 50 гр бадеми
- 50гр ореви/пекан
- ¼ лажичка сол
- 80 мл сируп од агава
- 1 лажица екстракт од ванила
- 45 мл кокосово масло
- по избор : сушено овошје, јаткасти плодови
Подготовка:
Загрејте ја рерната на 160°C. Во сад измешајте ги сите суви состојки: овесни снегулки, чипс од кокос, сечкани бадеми и ореви (не мора да бидат многу ситно сецкани)
Во сад на тивок оган измешајте го кокосовото масло, сирупот од агава и екстрактот од ванила, оставете да се динста 2-3 минути. Прелијте ги влажните состојки врз сувите и убаво измешајте. Треба да добиете густа, но влажна смеса.
Ставете ја хартијата за печење на плех и смесата префрлете ја во плех, па рамномерно распоредете ја и ставете ја во рерна 10 минути. Превртете ја смесата во тавата, намалете ја температурата на 120 ° C и печете уште 10 минути. Кога ќе видите дека добива златно-кафеава боја, тоа значи дека е готово.
Кога ќе се испече гранолата, оставете ја целосно да се излади, а потоа гранолата ставете ја во тегла и консумирајте ја во наредните 3 недели.
Послужете со грчки јогурт, обичен јогурт или млеко, со свежо или суво овошје, парчиња чоколадо, семки… Има навистина безброј можности!
Пријатно!