Ова е едноставен рецепт за подварок, а за подобар вкус додадете ја тајната состојка.
Зимата не може да се замисли без 3 јадења и тоа грав, сарма и подварак. Доколку немате услови или време да киселите зелка, тоа можете да го направите за само 2 дена, но можете да ја купите и во продавница. Подварок лесно се прави, а за да биде што повкусен, задолжително додајте бело вино. Се препорачува и при правење сарма. Доколку сакате кон крајот на печењето, можете да додадете и пушено месо, колбаси…
Состојки:
- 500 гр рендана кисела зелка
- 2 средни главици кромид
- 1 лажица шеќер
- малку бело вино
- 2 ловорови листови
- 1 лажичка слатка пиперка
- зрна бибер
- малку ким
- малку ориз
- пушено месо по избор
Подготовка:
На масло испржете го ситно исечканиот кромид додека не омекне. Потоа додадете рендана зелка, шеќер и слатка пиперка, ловоров лист, ким и зрна бибер. Промешајте. Истурете го белото вино и динстајте, па постепено додавајте малку вода.
Кога ќе омекне зелката, додадете една рака ориз да се собере вишокот течност и печете во рерна на 200°C додека не добие убава боја. Кон крајот на печењето додадете исецкано пушено месо по избор, кое ќе го направи вкусот на ова јадење уште поубаво.
Пријатно!
Извор: Прашање на вкус
