Топлите денови се на прагот и многумина започнаа со диети, вежбање и пронаоѓање на начини за намалување на килограмите, детоксикација и обликување на телото.
Ви предлагаме нов напиток со јаболко, лимон и цимет, кој ќе ви помогне за полесно согорување на мастите.
Овој напиток има многу благодати за вашиот организам.
Помага за согорување на мастите, ги чисти клетките од токсините, помага при акни и го подобрува здравјето на косата и кожата.
Цејлонскиот цимет го поттикнува метаболизмот и го регулира нивото на шеќер во крвта. Лимонот помага за подобро варење на храната, а истовремено ги елиминира токсините.
Јаболката се богати со растителни влакна и даваат чувство на ситост. А комбинацијата на јаболка и цејлонски цимет на напитокот му даваат убав вкус.
Состојки:
- 350 мл вода
- 2 лажици јаболков оцет
- 1 лажица свежо цеден сок од лимон
- 1 мала лажичка цејлонски цимет
- ½ мала лажичка кафеав шеќер (или стевиа по вкус)
- ½ сечкано јаболко.
Подготовка:
Во шејкер или блендер ставете ги сите состојки и мешајте за време од 10 секунди.
Во добиениот сок ставете ги парчињата јаболко.
Напитокот консумирајте го постепено, а јаболката грицкајте ги.
На здравје!