Песто од фета сирење и босилек е вкусен брз намаз, макало или песто од фета сирење, босилек, борови ореви (т.н. пињоли) и лук. Неодоливо одговара со парче добар леб и воедно е совршен како основа за сендвичи.
Ние Ви подготивме рецепт за количина колку една мала тегличка намаз. Но со сигурност ќе сакате да ја зголемите количината за следните подготовки.
Состојки:
- 150 гр сирење фета
- околу 20-25 лисја од босилек
- поголемо чешне лук *
- 4-5 лажици маслиново масло
- 1 грст борови ореви т.н. пињоли (околу 15гр)
- неколку лажички вода
- морска сол, бибер
Подготовка:
Во сува тава, на среден оган, тостирајте ги боровите ореви неколку минути. Во блендер измешајте босилек, лук, борови ореви, 2-3 лажици масло и лажичка вода.
Ако користите аван, прво истолчете го босилекот со неколку зрна груба сол, а потоа додадете лук и борови ореви. Мешајте додека не добиете изедначена смеса.
Додадете го сирењето, остатокот од маслото и доколку е потребно додадете уште една лажичка или две вода за да ја направите пастата мазна. Потоа додадете сол и бибер по потреба.
Послужете веднаш или разладено. Најдобро е да ја ставите оваа мешавина во тегла, добро да ја затворите и да ја чувате во фрижидер.
Забелешка:
Наместо свеж лук, можете да користите 2-3 печени чешниња лук. Посипете ги со маслиново масло, печете ги и извадете ги од рерна околу 20 минути. Ставете ги во тегла и чувајте ги додека не ги користите.
